ತಿಂಗಳ ಆ ಮೂರು ದಿನಗಳು
'ಅವಳು ಒಳಗಿಲ್ಲ'
ಅರಿಶಿನ ಕುಂಕುಮಕ್ಕೆ
ಕರೆದರು ಪಕ್ಕದಮನೆಯವರು,
'ಮಗಳಿಗೂ ಹೇಳಿ, ಕುಂಕುಮಕ್ಕೆ'
'ಅವಳು ಒಳಗಿಲ್ಲ'
ಮದುವೆ ನೆನಪಿಸಿದರು
ಅತ್ತೆಯ ಅಣ್ಣ
'ನಾಳೇನೇ ಬಂದುಬಿಡು,
ಸೊಸೆನೂ ಕರೆದುತಾ'
'ಅವಳು ಒಳಗಿಲ್ಲ'
ದೊಡ್ಡಪ್ಪ ಫೋನಾಯಿಸಿದರು
'ನಾಳೆ ಪೂಜೆ ಕಣೋ,
ಹೆಣ್ಮಗಳನ್ನೂ ಕರ್ಕೊಂಡು ಬಾ'
'ಅವಳು ಒಳಗಿಲ್ಲ'
ಅಜ್ಜಿ ಮನೆಯಲ್ಲಿ
'ಗೆಟ್ ಟುಗೆದರ್, ಎಲ್ಲ ಬನ್ನಿ'
'ನಾವು ಬರ್ತೀವಿ.
'ಅವಳು ಒಳಗಿಲ್ಲ''
ತಿಂಗಳ ಆ ಮೂರು ದಿನಗಳು
'ಅವಳು ಒಳಗಿಲ್ಲ'
ಈ ಕಡೆ ಒಳಗೂ ಇಲ್ಲ
ಹೊರಗೆ ಹೋಗೋ ಹಾಗು ಇಲ್ಲ!
ಅತ್ತಲೂ ಇಲ್ಲ ಇತ್ತಲೂ ಇಲ್ಲದ
ತ್ರಿಶಂಕು ಸ್ಥಿತಿ - 'ಅವಳು ಒಳಗಿಲ್ಲ'
ಹೆಸರು ಮುಟ್ಟು
ಆದರೆ
ಪರರ ಮುಟ್ಟುವ
ಹಾಗಿಲ್ಲ
ಮುಟ್ಟಿಸಿಕೊಳ್ಳುವ
ಹಾಗೂ ಇಲ್ಲ
ಹೆಸರು ಮುಟ್ಟು
ಅದು ಮುಟ್ಟಬಾರದು
ಇದು ಮುಟ್ಟಬಾರದು
ಮುಟ್ಟಿದರೆ ಮೈಲಿಗೆ!
ಹೆಸರಿಗೆ ಮುಟ್ಟು!
ಏನನ್ನೂ ಮುಟ್ಟದೆ,
ಯಾರನ್ನೂ ಮುಟ್ಟದೆ,
ಹೆಣ್ಣಿನ ಆ ಮೂರು ದಿನಗಳ
ನೈಸರ್ಗಿಕ ಕ್ರಿಯೆಗೆ ಕಟ್ಟು-
ಪಾಡಿನ ಹೆಸರೇ ಮುಟ್ಟು!
ಮುತ್ತು ಎಂದರೆ ಮುಟ್ಟಬೇಡ
ಏನಾಗೋಯ್ತೋ?
ಹೇಗಾಗೋಯ್ತೋ?
ನಿದ್ದೆ ಬರ್ತಿಲ್ಲ
ನಂಗೆ
ನಿದ್ದೆ ಬರ್ತಿಲ್ಲ
ಕಣ್ಣು ಮುಚ್ಚಿ
ಕಣ್ಣು ತೆಗೆದರೂ
ನಿನ್ನ ಚಿತ್ರನೇ!
ತಿನ್ನಕ್ಕೆ ಸೇರ್ತಿಲ್ಲ
ನಂಗೆ
ತಿನ್ನಕ್ಕೆ ಸೇರ್ತಿಲ್ಲ
ಕೂತ್ರು, ನಿಂತ್ರು, ಮಲಗಿದ್ರೂನು
ನಿಂದೆ ಧ್ಯಾನನೇ!
ನಿನ್ನ ನೋಡೋ ಬಯಕೆ
ನಿನ್ನೊಡನಾಟದ ತವಕ
ನಂಬಕ್ಕಾಗ್ತಿಲ್ಲ
ನನ್ನೇ
ನಾ ನಂಬಕ್ಕಾಗ್ತಿಲ್ಲ
ನಾ ನಿನ್ನ ಪ್ರೀತಿಲಿ
ಬೀಳ್ತಾ ಇದ್ದೀನಿ
ನಾನು ಹಿಂಗೇ ಇರ್ಲಿಲ್ಲ
ಮುಂಚೆ
ನಾನು ಹಿಂಗೇ ಇರ್ಲಿಲ್ಲ
ಏನು ಮೋಡಿ ಮಾಡಿದೆ ನೀನು ನನಗೆ?
ಇಷ್ಟ ಆಗ್ತಿದೆ
ನನಗೆ
ಇಷ್ಟ ಆಗ್ತಿದೆ
ನಂಗಿದೆಲ್ಲ
ಬೇಕು ಅನ್ನಿಸ್ತಿದೆ
ನೀ ನನ್ನ
ಯಾವಾಗ
ಮದ್ವೆ ಆಗ್ತೀಯಾ?
ಏನಾಗೋಯ್ತೋ
ಹೇಗಾಗೋಯ್ತೋ?
ದೊಡ್ಡೋರು ಹೇಳ್ತಾರೆ
ಆಗೋದೆಲ್ಲ ಒಳ್ಳೇದಕ್ಕೆ
ನನ್ನ ಪಡೆದ
ನೀನೆಂತ ಅದೃಷ್ಟವಂತ!
ಕವನ ಬರೆಸ್ಕೊಳೋ ಅವಕಾಶ
ಎಲ್ಲರಿಗೂ ಸಿಗುತ್ತಾ?
27-May-2022
