ಬದಲಾವಣೆ

ಮನೆಯೇ ಮೊದಲ ಪಾಠಶಾಲೆ

ತಾಯಿಯೇ ಮೊದಲ ಗುರು

ನಮ್ ಕಾಲ

ಇಂಟರ್ನೆಟ್ಟೇ ಮೊದಲ ಪಾಠಶಾಲೆ

ಯು ಟ್ಯೂಬೇ ಮೊದಲ ಗುರು

ನಮ್ ಮಕ್ಕಳ ಕಾಲ!

          - ಅನಿತಾ ನಾಡಿಗ್

ಮನೆ ಊಟ ಮಾಡೋಣ

ಮನೆ ಊಟ ಮಾಡೋಣ 

ಹೊತ್ತಿಗೆ ಸರಿಯಾಗಿ ತಿನ್ನೋಣ 

ಯಮ್ಮಿ ಯಮ್ಮಿ ಸಾರನ್ನ 

ಅಮ್ಮ ಮಾಡಿದ ಸಾರನ್ನ 

ರುಚಿ ರುಚಿ ಮೊಸ್ರನ್ನ 

ಅಪ್ಪ ತಿನ್ನಿಸಿದ ಮೊಸ್ರನ್ನ 

ಶಕ್ತಿ ಬರೋ ಕೋಸಂಬರಿ 

ಅಣ್ಣ ತಿನ್ನೋ ಕೋಸಂಬರಿ

ದಿನಾ ಬೆಳಗ್ಗೆ ಗಂಜಿ

ಪಾಪಂಗೆ ಬೇಕು ಗಂಜಿ

ತರಕಾರಿ ಹಾಕಿದ ಕೂಟು

ಅಜ್ಜಿ ಮಾಡಿದ ಕೂಟು

ಅಜ್ಜ ಬಿಡಿಸಿದ ಹಣ್ಣು

ತಿಂದಿದ್ದ ಅರಗಿಸೋ ಹಣ್ಣು

ಸಿಹಿ ಸಿಹಿ ಪಾಯಸ 

ಅಜ್ಜಿ ಕೈಯ ಪಾಯಸ 

ಲೊಟ್ಟೆ ಹೊಡೆಯೋ ಗೊಜ್ಜು 

ತಾತನಿಗೆ ಇಷ್ಟ ಗೊಜ್ಜು 

ನಂಗೆ ಇಷ್ಟ ಬಾದಾಮಿ 

ಮಾವ ತರೋ  ಬಾದಾಮಿ 

ಖಾರವಾದ ವಾಂಗೀಬಾತ್ 

ಅತ್ತೆ ಮಾಡೋ ವಾಂಗೀಬಾತ್ 

ಬಿಸಿ ಬಿಸಿ ಪಲ್ಯ 

ಚಿಕ್ಕಮ್ಮ ಮಾಡೋ ಪಲ್ಯ 

ಮೊಸರಬಜ್ಜು ಪಲಾವು 

ಚಿಕ್ಕಪ್ಪಂಗೆ  ಇಷ್ಟ ಪಲಾವು 

ಮೆಂತ್ಯ ಸೊಪ್ಪಿನ ಹುಳಿ 

ದೊಡ್ಡಮ್ಮ ಮಾಡೋ ಹುಳಿ 

ಅವಾಗವಾಗ ತಂಬುಳಿ 

ದೊಡ್ಡಪ್ಪಂಗೆ ಬೇಕು ತಂಬುಳಿ 

ತಿಂಗಳಿಗೊಮ್ಮೆ ಮೆಣಸಿನ ಸಾರು 

ಬಾಯಿ ರುಚಿಗೆ ಹುಣಸೆ ಸಾರು 

ಬೇಜಾರಾದ್ರೆ  ಮೆಂಥ್ಯ ಹಿಟ್ಟಿನ ಅನ್ನ

ತಂಗಳನ್ನ ಉಳಿದರೆ ಚಿತ್ರಾನ್ನ  

ಮನೆ ಊಟ ಮಾಡೋಣ 

ಹೊತ್ತಿಗೆ ಸರಿಯಾಗಿ ತಿನ್ನೋಣ 

ಕನ್ನಡ ಕಲಿಯಿರಿ

ಹಾಡುತ ಕಲಿಯೋಣ ಬನ್ನಿ ಕನ್ನಡ ಕಲಿಯೋಣ

ನಾವು

ನಲಿಯುತ ಕಲಿಯೋಣ, ಕಲಿತು ಕನ್ನಡ ಕಲಿಸೋಣ

ಮೊದಲ ಹದಿನೈದು ಅಕ್ಷರಗಳ 

ಸ್ವರಗಳು ಎಂದು ಕರೆವರು

ನಂತರ ಬರುವ  ಅಕ್ಷರಗಳೇ

ಮೂವತ್ನಾಲ್ಕು ವ್ಯಂಜನಗಳು

ಹಾಡುತ ಕಲಿಯೋಣ ಬನ್ನಿ ಕನ್ನಡ ಕಲಿಯೋಣ

ನಾವು

ನಲಿಯುತ ಕಲಿಯೋಣ, ಕಲಿತು ಕನ್ನಡ ಕಲಿಸೋಣ

ಸ್ವರಗಳ ಕಲಿಯೋಣ 

ಹದಿನೈದು ಸ್ವರಗಳ ಕಲಿಯೋಣ

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಅಂ ಅಃ

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಅಂ ಅಃ

ವ್ಯಂಜನಗಳ ಕಲಿಯೋಣ

ಮೂವತ್ನಾಕು ವ್ಯಂಜನಗಳ ಕಲಿಯೋಣ

ಕ ಖ ಗಘ 

ಚ ಛ ಜ ಝ ಞ

ಟ ಠ ಡ ಢ ಣ

ತ ಥ ದ ಧ ನ

ಪ ಫ ಬ ಭ ಮ

ಯ ರ ಲ ವ ಶ ಷ ಸ ಹ ಳ

ವ್ಯಂಜನಗಳ ಕಲಿಯೋಣ

ಮೂವತ್ನಾಕು ವ್ಯಂಜನಗಳ ಕಲಿಯೋಣ

ಹಾಡುತ ಕಲಿತೇವು 

ಕನ್ನಡ ವರ್ಣಮಾಲೆಯ 

ಹಾಡುತ ಕಲಿತೇವು

ನಾವು

ನಲಿಯುತ ಕಲಿತೇವು, ಕನ್ನಡ ವರ್ಣಮಾಲೆಯ ನಲಿಯುತ  ಕಲಿತೇವು

ಒಟ್ಟು ನಲವತ್ತೊಂಭತ್ತು ಅಕ್ಷರವ 

ನಾವು ಹಾಡುತ ಕಲಿತೇವು

ಹಾಡುತ ಕಲಿಯಿರಿ, ಹೌದು

ಕನ್ನಡ ಕಲಿಯಿರಿ

ನೀವು

ನಲಿಯುತ ಕಲಿಯಿರಿ, ಕಲಿತು ಕನ್ನಡ ಕಲಿಸಿರಿ

 

​ನಿನ್ನ​ 

ಜೋಗುಳ

ನನ್ನ ಮುದ್ದು ಕಂದಾ
ತಾಚಿ ಮಾಡೋ ಕಂದಾ

ಸೂರ್ಯ ಮಾಮ ಟಾಟಾ ಹೇಳಿ
ಮನೆಗೆ ಹೋಗಿರುವಾ
ಬಾನಿನ ತುಂಮಾ ಕತ್ತಲೆ ತುಂಬಿ
ತಾಚಿ ಮಾಡಿರುವಾ 

ನನ್ನ ಮುದ್ದು ಕಂದಾ
ತಾಚಿ ಮಾಡೋ ಕಂದಾ

ಚಂದ ಮಾಮ ಫಳಫಳ ಹೊಳೆಯುತ
ಹಾರಜಿ ಹಾಕಿರುವಾ
ತಾರೆಗಳೊಡಗೂಡಿ ನಮ್ಮಯ ಕಂದಗೆ
ಲಾಲಿ ಹಾಡುತಿರುವಾ
ಜೋಜೋಜೋ
ಜೋಜೋ ಲಾಲಿ ಜೋ
ಜೋಜೋ ಲಾಲಿ ಜೋ 

ಮಳೆ

ಮಳೆ ಮಳೆ ಮಳೆ ಮಳೆ
ಮಳೆ ಇಷ್ಟ ನಮಗೆ
ಮಳೆ ಮಳೆ ಮಳೆ ಮಳೆ
ಮಳೆ ಬೇಕು ನಮಗೆ
ಮಳೆ ಮಳೆ ಮಳೆ ಮಳೆ
ಮಳೆ ಇಷ್ಟ ನಮಗೆ
ಮಳೆ ಮಳೆ ಮಳೆ ಮಳೆ
ಮಳೆ ಬೇಕು ಎಲ್ಲರಿಗೆ

ಆಕಾಶದಲ್ಲಿ ಹುಟ್ಟಿ
ಕೆಳಗಡೆ ಬೀಳತ್ತೆ
ಭೂಮಿಗೆ ಮುತ್ತಿಟ್ಟು
ನೆಲ ತಂಪು ಮಾಡುತ್ತೆ
ಮಳೆ ಮಳೆ ಮಳೆ ಮಳೆ
ಮಳೆ ಇಷ್ಟ ನಮಗೆ
ಮಳೆ ಮಳೆ ಮಳೆ ಮಳೆ
ಮಳೆ ಬೇಕು ನಮಗೆ

ಕುಡಿಯಕ್ಕೆ ನೀರು ಕೊಡತ್ತೆ
ಬಳಸಕ್ಕೆ ನೀರು ತರತ್ತೆ
ನೀರಿಲ್ಲದೆ ಬೆಳೆ  ಇಲ್ಲ
ನೀರಿಲ್ಲದೆ ಬದುಕಿಲ್ಲ
ಮಳೆ ಮಳೆ ಮಳೆ ಮಳೆ
ಮಳೆ ಇಷ್ಟ ನಮಗೆ
ಮಳೆ ಮಳೆ ಮಳೆ ಮಳೆ
ಮಳೆ ಬೇಕು ನಮಗೆ

ಪುಟ್ಟ ಹನಿ ಬಿದ್ದಾಗ
ಮಳೆಯಲ್ಲಿ ಆಡುವೆ
ದೊಡ್ಡ ಹನಿ ಬಿದ್ದರೆ 
ಮನೆಯೊಳಗೆ ಓಡುವೆ
ಮಳೆ ಮಳೆ ಮಳೆ ಮಳೆ
ಮಳೆ ಇಷ್ಟ ನಮಗೆ
ಮಳೆ ಮಳೆ ಮಳೆ ಮಳೆ
ಮಳೆ ಬೇಕು ನಮಗೆ
ಮಳೆ ಮಳೆ ಮಳೆ ಮಳೆ
ಎಲ್ಲರಿಗೆ ಬೇಕು ಮಳೆ
ಮಳೆ ಮಳೆ ಮಳೆ ಮಳೆ
ಬೇಕೇ ಬೇಕು ಮಳೆ

ಡಾಕ್ಟರ್ ಆಟ

ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ
ಜ್ವರ ಇರಲಿ ತಲೆ ನೋವಿರಲಿ
ನೆಗಡಿ  ಕೆಮ್ಮು ಏನೇ ಇರಲಿ
ಬನ್ನಿ  ನನ್ನ clinic ಗೆ , ಔಷಧಿ ಕೊಡ್ತೀನ್ ನಾನು
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ

ಬನ್ನಿ ಒಳಗೆ ಕೂತ್ಕೋಳಿ ಸರೀಗೆ
ನಾಲಿಗೆ ತೋರ್ಸಿ ನೋಡೋಣ
ಸ್ಥೆಥಾಸ್ಸ್ಕೋಪ್ ಎದೆಗೆ ಇಟ್ಟು
ಹಾರ್ಟು  ಬೀಟು ಕೇಳೋಣ
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ

ಬಿ ಪಿ ಪಲ್ಸು ರೀಡಿಂಗ್ ನೋಡಿ
ನಾರ್ಮಲ್ ಇದೆಯಾ ಬರೆಯೋಣ
ಥರ್ಮಾ ಮೀಟರ್ ಬಾಯೊಳಗಿಟ್ಟು
ಜ್ವರ ಇದ್ದೀಯ ನೋಡೋಣ
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ

ಸ್ವಲ್ಪ ಹುಷಾರಿಲ್ಲ ಅಂದ್ರೆ
ಮಾತ್ರೆಲಿ ವಾಸಿ ಮಾಡೋಣ
ಜಾಸ್ತಿ ಹುಷಾರಿಲ್ಲ ಅಂದ್ರೆ
ಚುಚ್ಚಿಯನ್ನು ಕೊಡೋಣ
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ

ಮಾತ್ರೆ ಚೀಟಿ ಬರೆದು ಕೊಡ್ತೀನಿ
ಸಮಯಕ್ಕೆ ಸರಿಯಾಗಿ ಔಷಧಿ ತೊಗೋಳಿ
ನನ್ನ ಫೀಸು ಕೊಡಿ ನೀವು
ಅದಕ್ಕೆ ಬಿಲ್ಲು ಕೊಡ್ತೀವಿ ನಾವು
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ
ರ ಇರಲಿ ತಲೆ ನೋವಿರಲಿ
ನೆಗಡಿ  ಕೆಮ್ಮು ಏನೇ ಇರಲಿ
ಬನ್ನಿ  ನನ್ನ clinic ಗೆ , ಔಷಧಿ ಕೊಡ್ತೀನ್ ನಾನು
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ
ನಾನು ಡಾಕ್ಟರ್, ನೀವು ಪೇಷಂಟ್
ಬನ್ನಿ ಆಟ ಆಡೋಣ
ಈಗ
ನಾನು ಪೇಷಂಟ್, ನೀವು  ಡಾಕ್ಟರ್
ಬನ್ನಿ ಆಟ ಆಡೋಣ