??

ಪ್ರಶ್ನೆಗಳಿದ್ದಾಗ
ಉತ್ತರ ಹುಡುಕುವ
ಆತುರ
ಉತ್ತರ ಸಿಕ್ಕ ಮೇಲೆ
ಉತ್ತರವೇಕೆ
ಹೀಗೆ ಅನ್ನೋ
ಪ್ರಶ್ನೆ!

ವಿದಾಯ

ಇನ್ನೂ ನಿಚ್ಛಳ ನೆನಪಿದೆ
ನನಗೆ
ನನ್ನ‌ ನಿನ್ನ ಮೊದಲ ಮಿಲನದ
ಆ‌ ದಿನ

ಮಂದ ಬೆಳಕಿನಲಿ
ಮಂದಿ ಮಾತಿನಲಿ
ಸುಳಿಸುಳಿದು
ಗಪ್ಪನೆ ನನ್ನಪ್ಪಿದ
ಆ ಕ್ಷಣ
ಇನ್ನೂ ನಿಚ್ಛಳ ನೆನಪಿದೆ

ನನ್ನಾನಂದಕೆ
ಹೆಗಲು ಕೊಟ್ಟ ಅದೆಷ್ಟೋ
ಹಗಲುಗಳು
ನನ್ನ ನೋವಿನೊಡಗೂಡಿದ
ರಾತ್ರಿಗಳೆಷ್ಟೋ

ದಿನಕ್ಕೊಂದು
ರೋಚಕತೆ ನಿನ್ನೊಡನಾಟದಿ
ಕಲಿತದ್ದೆಷ್ಟೋ
ಮರೆತದ್ದೆಷ್ಟೋ, ಮೆರದದ್ದೆಷ್ಟೋ!

ಗುರಿಯಿಲ್ಲದೆ ಅಲೆಸಿದೆ
ದಣಿವಾಗದಂತೆ ನಡೆಸಿದೆ
ಅಪರಿಚಿತರು ಪರಿಚಿತರಾಗಿ
ಪರಿಚಿತರಪರಿಚಿತರಾಗಿ!

ಹಿಂತಿರುಗಿ ನೋಡೆ,
ಕ್ರಮಿಸಿದ ದೂರದ ಲೆಕ್ಕವಿಲ್ಲ
ದೂರಾದ ಜನರ ಲಕ್ಷವಿಲ್ಲ
ಸುಸ್ತಿಲ್ಲ, ವಿಷಾದವಿಲ್ಲ

ನಗೆಯ ನಗುವ ಕಲಿತು
ಕಷ್ಟ ಪರಿಹಾರದ ಬಗೆಯ ಅರಿತು
ಮೊನ್ನೆಗಿಂತ ನೆನ್ನೆ, ನೆನ್ನೆಗಿಂತ ಇಂದು
ಹದವಾಗಿ ಬೆಂದು

ಧನ್ಯೋಸ್ಮಿ
ನಿನ್ನೊಡನೆ ಕಳೆದ ಆ ದಿನಗಳಿಗೆ
ಕಾಲ ನಿಲ್ಲಲ್ಲ
ಯಾರಿಗೂ ಕಾಯಲ್ಲ

ಇದು ವಿದಾಯದ ಸಮಯ
ಅಗಲಿಕೆಯ ನೋವಿಲ್ಲ
ಕಷ್ಟದ ನೆನಪುಗಳ ನಿನಗೇ ಬಿಟ್ಟು
ಸವಿ ನೆನಪಿನ ಬುತ್ತಿಯೊಡನೆ
ಹೊರಟಿರುವೆ

ಬರಲೇ ನಾ 2017?

ಅಮ್ಮ

ಅವಳು
ನಮ್ಮ
ಹೆತ್ತಳು
ಹೊತ್ತಳು
ಬೆಳೆಸಿದಳು

ನಾವು ಅತ್ತಾಗ
ಅತ್ತಳು
ನಕ್ಕಾಗ
ನಕ್ಕಳು

ತನ್ನ
ಆದ್ಯತೆಗಳ
ಬದಲಾಯಿಸಿಕೊಂಡಳು
ತನ್ನ
ಆಸೆ ಸುಖಗಳ
ತೊರೆದಳು

ನಮ್ಮ
ಬದುಕುದ್ದಕ್ಕೂ
ಅವಳೇ
ಅಮ್ಮ

ಅವಳ ಪ್ರೀತಿ
ಋಣವೆಂದು ಅಲ್ಲ
ಅದು ಅತೀತ
ಅದಕಿಲ್ಲ ಪರ್ಯಾಯ

ಏನವಳ ಆಸೆ
ಏನವಳ ಬೇಕುಗಳು
ದಿನವೂ
ಅವಳೊಡನೆ ಸಮಯ
ಮಾಡುವೆವೆ ವ್ಯಯ?

ಅವಳ ಭಾವಗಳೇನು
ನೋವುಗಳಿವೆಯೆ?
ಅವಳ ಸುಖದ
ವ್ಯಾಖ್ಯಾನವೇನು?

ಅವಳ
ಭಾವಗಳಿಗೆ
ನೋವುಗಳಿಗೆ
ಬೇಕು ಸ್ಪಂದನ

ಅವಳ
ಇಳಿ ವಯಸ್ಸಿಗೆ
ನಾವಾಗಬೇಕಲ್ಲವೇ
ಅವಳ ಅಮ್ಮ?

Every day is a mother's day! Love and take care of her!

ಯಾರು ಕಾರಣ?

ನಿನ್ನ ನೆನಪು
ಭಾರವಾಗಿ
ನಡೆಯಲೂ ಆಗದೆ
ನಿಲ್ಲಲೂ ಆಗದೆ
ದಣಿದಿದೆ ಈ ಮನ

ಇದ್ದೂ ಇಲ್ಲದಂತೆ
ಇಲ್ಲದೆಯೂ ಇದ್ದಂತೆ
ಕಾಡುವ ಭಾವಗಳ
ಹೊಣೆ  ನಿನ್ನದೇ? ನನ್ನದೇ?
ಗೊಂದಲಮಯ ಮನ

ಬಿಡಲೂ ಆಗದೆ
ಹೊತ್ತು ನಡೆಯಲೂ
ಆಗದ ಸ್ಥಿತಿ
ಕಾರಣ ನೀನೆ? ನಾನೇ?
ಉತ್ತರ ಹುಡುಕುವ ಮನ

ಬಿಟ್ಟು ಬಿಡೊಮ್ಮೆ
ಎಂದೊಮ್ಮೆ ಮನ
ರಪ್ಪನೆ ಅಪ್ಪಳಿಸುವ ನಿನ ನೆನಪು
ಕಪ್ಪೆಯಾಗುವ ಮನಸು
ಕಾರಣ ನಾನೇ .. ನೀನಲ್ಲ

ನೆನಪಿನ ಚೀಲಕೆ
ತೂತು ಹಾಕಿಸಿ ತೇಲುತಿರುವೆ
ಭಾರ ಕ್ರಮೇಣ ಇಳಿದು
ನಡೆಯ ವೇಗ ಹೆಚ್ಚಿದೆ

ಕಾರಣ ನಾನೇ.. ನೀನಲ್ಲ
ಕಂಡರೂ ನೀ, ನಾನಲ್ಲಿಲ್ಲ!

ಸತ್ಯ

ಅವರು
ಬಂದರು
ನಿಂತರು
ಹೋದರು

ಇವರು
ಬಂದರು
ನಿಲ್ಲಲಿಲ್ಲ
ಹೋದರು

ಕೆಲವರು
ಇರುವರು
ಇದ್ದರೂ
ಇಲ್ಲದಂತೆ

ಬಂದು
ಹೋಗುವರಿರುವರು
ಬದುಕಲಿ
ಕೊನೆವರೆಗು
ನಿನಗೆ ನೀನೇ
ಅಲ್ಪಜ್ಞೆ!

ನಂಟು

ಪ್ರೇಮಕೆ
ಸ್ನೇಹದ
ಬುನಾದಿ

ಪ್ರಣಯಕೆ
ಪ್ರೀತಿಯ
ನಾಂದಿ

ಅದುವೆ
ಸಂಬಂಧದ
ಆದಿ!

ಪ್ರೇಮದ 'ಪರಿ'

ಪ್ರೇಮದ ಪರಿ..
ತರಾವರಿ
ತೋರಿಕೆಗೆ
ಹಲವು ದಾರಿ
ಅರಿಕೆಗೆ
ಸಾಕು ನಂಬಿಕೆ ಬರೀ