ಯಾರು ಕಾರಣ?

ನಿನ್ನ ನೆನಪು
ಭಾರವಾಗಿ
ನಡೆಯಲೂ ಆಗದೆ
ನಿಲ್ಲಲೂ ಆಗದೆ
ದಣಿದಿದೆ ಈ ಮನ

ಇದ್ದೂ ಇಲ್ಲದಂತೆ
ಇಲ್ಲದೆಯೂ ಇದ್ದಂತೆ
ಕಾಡುವ ಭಾವಗಳ
ಹೊಣೆ  ನಿನ್ನದೇ? ನನ್ನದೇ?
ಗೊಂದಲಮಯ ಮನ

ಬಿಡಲೂ ಆಗದೆ
ಹೊತ್ತು ನಡೆಯಲೂ
ಆಗದ ಸ್ಥಿತಿ
ಕಾರಣ ನೀನೆ? ನಾನೇ?
ಉತ್ತರ ಹುಡುಕುವ ಮನ

ಬಿಟ್ಟು ಬಿಡೊಮ್ಮೆ
ಎಂದೊಮ್ಮೆ ಮನ
ರಪ್ಪನೆ ಅಪ್ಪಳಿಸುವ ನಿನ ನೆನಪು
ಕಪ್ಪೆಯಾಗುವ ಮನಸು
ಕಾರಣ ನಾನೇ .. ನೀನಲ್ಲ

ನೆನಪಿನ ಚೀಲಕೆ
ತೂತು ಹಾಕಿಸಿ ತೇಲುತಿರುವೆ
ಭಾರ ಕ್ರಮೇಣ ಇಳಿದು
ನಡೆಯ ವೇಗ ಹೆಚ್ಚಿದೆ

ಕಾರಣ ನಾನೇ.. ನೀನಲ್ಲ
ಕಂಡರೂ ನೀ, ನಾನಲ್ಲಿಲ್ಲ!