ಆನೆ

ಕಾಡಿಗೆಲ್ಲ ದೊಡ್ಡ ಪ್ರಾಣಿ ನಾನೇನೆ
ಆನೆ ಅನ್ನೊ ಹೆಸರು ನಂದೇನೆ

ಅಗಲ ಕಿವಿ, ಪುಟ್ಟ ಕಣ್ಣು
ಸೊಂಡಿಲ ಮೂಗು
ಉದ್ದ ಬಾಲ, ಕಪ್ಪು ಬಣ್ಣ
ದಪ್ಪ ಮೈಯಿ

ಕಾಡಿಗೆಲ್ಲ ದೊಡ್ಡ ಪ್ರಾಣಿ ನಾನೇನೆ
ಆನೆ ಅನ್ನೊ ಹೆಸರು ನಂದೇನೆ

ತಿನ್ನಕ್ಕೆ ಕಬ್ಬು, ಆಡಕ್ಕೆ ನೀರು
ಕೊಟ್ರೆ ನಂಗೆ
ಬೆನ್ನು ಮೇಲೆ ಕೂರಿಸ್ಕೊಂಡು
ರೌಂಡು ನಿಂಗೆ

ಕಾಡಿಗೆಲ್ಲ ದೊಡ್ಡ ಪ್ರಾಣಿ ನಾನೇನೆ
ಆನೆ ಅನ್ನೊ ಹೆಸರು ನಂದೇನೆ

ದಸರೆಯಲ್ಲಿ ಹೊರ್ತೀನ್ನಾನು
ಅಂಬಾರಿ
ನನ್ನನ್ನು ನೋಡಕ್
ಅದೆಷ್ಟು ಜನ ಬರ್ತಾರ್ರೀ..

ಕಾಡಿಗೆಲ್ಲ ದೊಡ್ಡ ಪ್ರಾಣಿ ನಾನೇನೆ
ಆನೆ ಅನ್ನೊ ಹೆಸರು ನಂದೇನೆ