ವ್ಯತ್ಯಾಸ

ಮದುವೆಯ ಹೊಸತರಲ್ಲಿ
ನಾ ಹೇಳಿದ್ದೆಲ್ಲವನ್ನೂ
ಕೇಳುತ್ತಿದ್ದ
ಪತಿ
ಈಗ ಹೇಳಿದ್ದಕ್ಕೆಲ್ಲಾ
ಏಕೆಂದು
ಕೇಳುತಿರುವ!

ಹುಡುಗಿ ಮದುವೆಗೆ ಮುಂಚೆ
ಬೀಗಿದ್ದಳು
ಗಂಡು ಸಾಫ್ಟ್ವೇರ್ ಇಂಜಿನಿಯರು
ಮದುವೆಯ ನಂತರ
ಗೊಣಗುತ್ತಿದ್ದಾಳೆ
ಇವರಿಗೆ ಸಮಯವೇ ಇಲ್ಲ
ಬರಲು ನಿಯರು!

ಕಾರಣ

ಅವ ಒಪ್ಪುತ್ತಿಲ್ಲ
ಯಾವ ಹುಡುಗಿಯನೂ
ಮದುವೆಗೆ
ಹೆಣ್ಮಕ್ಕಲ್ಲಿ
ಆಸಕ್ತಿಯಿಲ್ಲ
ಅವನ್ ಗೆ!

ವರ

ಹುಡುಕುತ್ತಿದ್ದಾರೆ
ಹುಡುಗಿಯ ಅಪ್ಪ
ವರ
ಸಿಗುತ್ತಾನ ಯಾರಾದರು
ಬಕರ!

ಮುಖಾಮುಖಿ

ಮುಂಚೆ ಎಲ್ಲಾ
ಹುಡುಗ ಹುಡುಗಿ
ನೋಡುವುದೆಂದರೆ
ಕೇಸರೀಬಾತು ಉಪ್ಪಿಟ್ಟು
ಈಗೇನಿದ್ದರೂ
ಕಾಫಿ ಡೇನಲ್ಲಿ
ಬಿಲ್ಲು ಕೊಟ್ಟು!

ನಾರಿ

ನಾರಿ
ಮುನಿದರೆ ಮಾರಿ
ಗಂಡ ಹೆದರಿ
ಸ್ಥಳದಿಂದ ಪರಾರಿ

ದೀಪಾವಳಿ

ದೀಪಾವಳಿಯ ಮರುದಿನ
ಬಾಸು ಕೇಳಿದರು
ಹಬ್ಬ ಜೋರೇ?
ಹಬ್ಬಕ್ಕೆ ಹಿಂದಿನ ದಿನ
ಇಲ್ಲೆ ಹೊಡೆದಿರಲ್ಲ ಅಟಂ ಬಾಂಬು
ಬೇಕೆ ಹಬ್ಬ ಬೇರೇ?