ನಮ್ಮದಲ್ಲದ ನಮ್ಮೂರು!

ನಮ್ಮ ಊರು.. ಬೆಂಗಳೂರು..

ನಿಮ್ಮೂರಲ್ಲಿ ಸಿಗದದ್ದು ಸಿಗುವಂತ ದೊಡ್ಡೂರು!

ಮನೆಯಿಂದ ಹೊರಬಂದರೆ

ಟ್ರಾಫ಼ಿಕ್ ಸ್ವಾಗತ

ವಾಹನ ಸದ್ದುಗಳ ಮಧ್ಯೆ

ಹೇಳಿದ್ದೆಲ್ಲವೂ ಸ್ವಗತ!

ಶ್ರೀಮಂತರಿಗೆಂಬಂತೆ

ಮಾಡಿಟ್ಟ ಊರು

ಪಾದಾಚಾರಿಗಳಿಗೆ ನಡೆಯಲು 

ಜಾಗವೇ ಇಲ್ಲ ಒಂಚೂರು!

ರಸ್ತೆ ಮಧ್ಯ ಗುಂಡಿಗಳೋ

ಗುಂಡಿಗಳ ಮಧ್ಯೆ ರಸ್ತೆಯೋ

ದ್ವಿಚಕ್ರ ವಾಹನ ಸವಾರರರಿಗೆ

ಉಚಿತ ನಾಟ್ಯ ತರಗತಿಯೋ!

ಮನೆಯಿಂದ ಹೊರಗಡೆಯೇ  ಕಳೆವೆವು ಹೊತ್ತು!

ದುಪ್ಪಟ್ಟು ಬೆಲೆಯ ಬಾಡಿಗೆ ತೆತ್ತು

ಸಮಯವು ಇರದಿರೆ ಬೇಯಿಸಲು ತುತ್ತು

ದುಬಾರಿ ವಿದೇಶಿ ಮೇಕಪ್ ಹೊತ್ತು!

ಮಾಲುಮಂದಿರವೆಂಬ ಭೇದವಿಲ್ಲದೆ

ಗಾಡಿ, ಹೋಟೆಲ್ಲೆಂಬ ತಾರತಮ್ಯವಿಲ್ಲದೆ

ಎಲ್ಲಿ ನೋಡಿದರಲ್ಲಿ ಜನಸಾಗರ

ಕೋಟ್ಯಾಂತರ ಜನರಿಗೆ ಆಶ್ರಯವಾದ ನಗರ!

ಹಲವರಿಗೆ ಅನ್ನವಿತ್ತ ನಗರ

ಕೆಲವರಿಗೆ ಉದ್ಯೋಗವಿತ್ತ ನಗರ

ಮಿಕ್ಕವರಿಗೆ ವಿದ್ಯಾದಾತ ನಗರ

ಮಗದವರಿಗೆ ಜೊತೆಗಾರರನಿತ್ತ ನಗರ!

ಬನ್ನಿ, ಉಳಿಸೋಣ ಉದ್ಯಾನಗಳ

ಬೆಳೆಸೋಣ ಗಿಡಮರಗಳ

ಮನೆ ತ್ಯಾಜ್ಯಗಳ ಬೇರ್ಪಡಿಸಿ ನೀಡೋಣ

ಕಸವನ್ನ ಎಲ್ಲೆಂದರಲ್ಲಿ ಎಸಯದೆ ಇರೋಣ

ಪ್ಲಾಸ್ಟಿಕ್ ಬಳಕೆ ಕಡಿಮೆ‌ ಮಾಡೋಣ

ಜ಼ೀರೊ ವೇಸ್ಟ್ ಗುರಿ ಮುಟ್ಟೋಣ

ಪಬ್ಲಿಕ್ ಟ್ರಾನ್ಸಪೋರ್ಟ್ ಹೆಚ್ಚೆಚ್ವು ಬಳಸೋಣ

ಈ‌ ಮಣ್ಣಿನ ಋಣ ಕಿಂಚಿತ್ತಾದರೂ ತೀರಿಸೋಣ!