ಯುಗಾದಿ ಹಾದಿ

ಹಳೆಯ ಯುಗವು ಕಳೆದು
ಹೊಸ ಯುಗದ ಬೆಳಕು ಹರಿದು
ಬರುವ ನಮ್ಮ ಯುಗಾದಿ
ಪ್ರತಿ ಚೈತ್ರದ ಪಾಡ್ಯದಿ

ಮನೆಮನೆಗಳಲಿ ತಳಿರು ತೋರಣ
ಅಡಿಗೆ ಮನೆಯಲಿ ಒಬ್ಬಟ್ಟ ಹೂರಣ
ಅಂಗಳದಿ ರಂಗೋಲಿ ಚಿತ್ತಾರ
ದೇವರಿಗೆ ಹೂ ದೀಪಗಳ ಅಲಂಕಾರ

ತಿನ್ನುವೆವು ಬೇವು ಬೆಲ್ಲದ ಮಿಶ್ರಣ
ಜೊತೆಗೆ ಪಂಚಾಂಗ ಶ್ರವಣ
ಬದುಕು ಕಷ್ಟ ಸುಖಗಳ ಸಂತೆ
ಈ ವರುಷ ಮಳೆ ಬೆಳೆ ಹೇಗಂತೆ?

ಹೊಸ ಬಟ್ಟೆ ಧರಿಸಿ
ನವ ಸಂವತ್ಸರ ಸ್ವಾಗತಿಸಿ
ಆರೋಗ್ಯ ಸಂತೃಪ್ತಿ ನೆಮ್ಮದಿಯ ಭರವಸೆಯಲಿ
ಹೊಸ ವರುಷದ ಸಂಭ್ರಮದಲಿ

ಆಚರಿಸುವ ಬನ್ನಿ ಯುಗಾದಿ
ತುಳಿಯುವ 'ಮನ್ಮಥ'ನ ಹಾದಿ!